Las prossmas spassagedas in october e november -
L'ultim termin d’annunzcha es ils 28 avuost:
--> ANNUNZCHA

Persunas chi s'annunzchan per la prüma vouta: per plaschair indicher l'adressa dad e-mail.

*** SPASSAGEDA RUMAUNTSCHA ***
Cuors da conversaziun puter a Turich

Il cuors as drizza a persunas chi haun imprais e sun vi dal imprender puter, chi vulessan avair la pussibilted da druver regulermaing la lingua a Turich, chi sun gugent in gir e faun gugent nouvas scuviertas.

Las spassagedas düran mincha vouta 2 uras. Ouravaunt survain mincha partecipant:a per e-mail il vocabulari per la spassageda, üna lectüra (u simil) ed infurmaziuns necessarias (lö da partenza etc.).

Las spassagedas sun tematicas ed haun lö per granda part our i’l liber.
Insembel spassagiains, baderlains, contemplains e discuttains che cha vzains
e davart il tema da la spassageda.

Persunas interessedas paun s’annunzcher per mail (illu@piavalaer.ch) per survgnir il
newsletter SPASSAGEDAS RUMAUNTSCHAS.
Cul newsletter vegnan mincha vouta communichedas las nouvas datas per las spassagedas.
Sur ün link da nuudel as po s’annunzcher indichand a partir da
quauntas persunas cha’s voul parteciper a la spassageda.

Il cuors cuosta per vouta tuot tenor il numer da spassagiunz:as, perque sun las annunzchas definitivas.
5 partecipant:as - 72.-/persuna
6 partecipant:as - 67.-/persuna
7 partecipant:as - 60.-/persuna
8 partecipant:as - 53.-/persuna

Ils cuosts cumpiglian l’administraziun, la preparaziun, il materiel e la spassageda svess.

Eau inurmesch il di zieva l'ultim termin d’annunzcha a tuot ils:las partecipant:as che cuors chi haun lö
e tramet il quint (tenor numer da partecipant:as) per las spassagedas reservedas.

Gugent pigli incuter giavüschs pertuchand dis da l'eivna/ uras etc per prossmas datas e prouv da resguarder quels
.
Scha vus essas üna gruppa da persunas e vais üna data chi vo a l’intera gruppa, pudais gugent s’annunzcher scu gruppa per mail.


Eau m’allegr dad ir a spass cun vus!